ਹਵਾਈ ਅੱਡੇ ”ਤੇ ਟੇਕਆਫ ਦੌਰਾਨ ਵਾਪਰਿਆ ਹਾਦਸਾ

America News : ਅਮਰੀਕਾ ਦੇ ਨਿਊ ਜਰਸੀ ਵਿੱਚ ਕਰਾਸ ਕੀਜ਼ ਹਵਾਈ ਅੱਡੇ ‘ਤੇ ਇਕ ਵੱਡਾ ਹਾਦਸਾ ਵਾਪਰਣ ਦਾ ਮਾਮਲਾ ਸਾਹਮਣੇ ਆਇਆ ਹੈ। ਫੈਡਰਲ ਏਵੀਏਸ਼ਨ ਐਡਮਿਿਨਸਟ੍ਰੇਸ਼ਨ ਦੇ ਬੁਲਾਰੇ ਨੇ ਦੱਸਿਆ ਕਿ ਇੱਕ ਛੋਟਾ ਸਕਾਈਡਾਈਵਿੰਗ ਜਹਾਜ਼ ਉਡਾਣ ਭਰਦੇ ਸਮੇਂ ਰਨਵੇਅ ਦੇ ਸਿਰੇ ਤੋਂ ਖਿਸਕ ਗਿਆ, ਜਿਸ ਵਿਚ 15 ਲੋਕ ਸਵਾਰ ਸਨ। ਕਰਾਸ ਕੀਜ਼ ਹਵਾਈ ਅੱਡੇ ‘ਤੇ ਵਾਪਰੇ ਇਸ ਹਾਦਸੇ ਬਾਰੇ ਅਧਿਕਾਰੀਆਂ ਨੇ ਦੱਸਿਆ ਕਿ ਜਹਾਜ਼ ਜੰਗਲੀ ਖੇਤਰ ਵਿੱਚ ਹਾਦਸਾਗ੍ਰਸਤ ਹੋ ਗਿਆ। ਇਹ ਹਾਦਸਾ ਫਿਲਾਡੇਲਫੀਆ ਤੋਂ ਲਗਭਗ 33.8 ਕਿਲੋਮੀਟਰ ਦੱਖਣ-ਪੂਰਬ ਵਿੱਚ ਵਾਪਰਿਆ। ਬੀਤੇ ਦਿਨੀ ਨਿਊ ਜਰਸੀ ਦੇ ਗਲੌਸਟਰ ਕਾਉਂਟੀ ਵਿੱਚ ਕਰਾਸ ਕੀਜ਼ ਹਵਾਈ ਅੱਡੇ ਦੇ ਨੇੜੇ ਇੱਕ ਸਿੰਗਲ ਇੰਜਣ ਵਾਲਾ ਜਹਾਜ਼ ਹਾਦਸਾਗ੍ਰਸਤ ਹੋ ਗਿਆ। ਇਹ ਘਟਨਾ ਬੁੱਧਵਾਰ ਦੁਪਹਿਰ 5:30 ਵਜੇ ਵਿਲੀਅਮਸਟਾਊਨ ਵਿੱਚ ਵਾਪਰੀ।

ਇਹ ਵੀ ਪੜ੍ਹੌ :  ਬਿਕਰਮ ਸਿੰਘ ਮਜੀਠੀਆ ਵਿਜੀਲੈਂਸ ਖਿਲਾਫ਼ ਪਹੁੰਚੇ ਹਾਈਕੋਰਟ

ਏਬੀਸੀ ਨਿਊਜ਼ ਦੇ ਐਨਜੇ ਐਫੀਲੀਏਟ ਐਕਸ਼ਨ ਨਿਊਜ਼ ਨੇ ਰਿਪੋਰਟ ਦਿੱਤੀ ਕਿ ਜਹਾਜ਼ ਵਿੱਚ 15 ਲੋਕ ਸਵਾਰ ਸਨ। ਘਟਨਾ ਸਥਾਨ ਤੋਂ ਪ੍ਰਾਪਤ ਵੀਡੀਓਜ਼ ਵਿੱਚ ਇੱਕ ਵੱਡੀ ਐਮਰਜੈਂਸੀ ਪ੍ਰਤੀਕਿਿਰਆ ਦਿਖਾਈ ਗਈ ਹੈ ਜਿਸ ਵਿੱਚ ਘੱਟੋ-ਘੱਟ ਪੰਜ ਲੋਕਾਂ ਨੂੰ ਕੈਮਡੇਨ ਦੇ ਕਾਪਰ ਯੂਨੀਵਰਸਿਟੀ ਹਸਪਤਾਲ ਵਿੱਚ ਤਬਦੀਲ ਕੀਤਾ ਗਿਆ ਹੈ।ਏਵੀਏਸ਼ਨ ਰਾਡਾਰ ਡੇਟਾ ਦੇ ਅਨੁਸਾਰ, ਸਿੰਗਲ ਇੰਜਣ ਵਾਲਾ ਜਹਾਜ਼ ਸਕਾਈਡਾਈਵਿੰਗ ਲਈ ਵਰਤਿਆ ਜਾਣ ਵਾਲਾ ਸੇਸਨਾ 208 ਜਾਪਦਾ ਸੀ। ਇਸਦਾ ਰਜਿਸਟ੍ਰੇਸ਼ਨ ਨੰਬਰ ਂ716ੰੰ ਸੀ। ਹਾਲਾਂਕਿ, ਫੈਡਰਲ ਏਵੀਏਸ਼ਨ ਅਥਾਰਟੀ ਨੇ ਅਜੇ ਤੱਕ ਕੋਈ ਬਿਆਨ ਜਾਰੀ ਨਹੀਂ ਕੀਤਾ ਹੈ। ਨਿਊਯਾਰਕ ਅਤੇ ਨਿਊ ਜਰਸੀ ਪੋਰਟ ਅਥਾਰਟੀ ਨੇ ਕਿਹਾ ਕਿ ਜਹਾਜ਼, ਜੋ ਆਮ ਤੌਰ ‘ਤੇ ਸਕਾਈਡਾਈਵਿੰਗ ਲਈ ਵਰਤਿਆ ਜਾਂਦਾ ਸੀ, ਕਰਾਸ ਕੀਜ਼ ਹਵਾਈ ਅੱਡੇ ਤੋਂ ਉਡਾਣ ਭਰਨ ਤੋਂ ਥੋੜ੍ਹੀ ਦੇਰ ਬਾਅਦ ਹੀ ਹਾਦਸਾਗ੍ਰਸਤ ਹੋ ਗਿਆ ।

ਇਹ ਵੀ ਪੜ੍ਹੌ : ਤੀਜੇ ਵਿਸ਼ਵ ਯੁੱਧ ਦੀ ਤਿਆਰੀ ਕਰ ਰਿਹਾ ਚੀਨ?

ਕਰੈਸ਼ ਹੋਏ ਜਹਾਜ਼ ਦੀ ਹਵਾਈ ਫੁਟੇਜ ਵੀ ਸਾਹਮਣੇ ਆਈ ਹੈ। ਜਹਾਜ਼ ਦੇ ਨੇੜੇ ਮਲਬੇ ਦੇ ਕਈ ਟੁਕੜੇ ਦੇਖੇ ਜਾ ਸਕਦੇ ਹਨ। ਰਾਹਤ ਅਤੇ ਬਚਾਅ ਕਾਰਜ ਲਈ ਫਾਇਰ ਇੰਜਣ ਅਤੇ ਹੋਰ ਐਮਰਜੈਂਸੀ ਵਾਹਨਾਂ ਨੂੰ ਵੀ ਮੌਕੇ ‘ਤੇ ਭੇਜਿਆ ਗਿਆ ਹੈ। ਜ਼ਖਮੀਆਂ ਨੂੰ ਨਿਊ ਜਰਸੀ ਦੇ ਕੂਪਰ ਯੂਨੀਵਰਸਿਟੀ ਹਸਪਤਾਲ ਵਿੱਚ ਦਾਖਲ ਕਰਵਾਇਆ ਗਿਆ ਹੈ। ਡਾਕਟਰਾਂ ਅਨੁਸਾਰ ਅੱਠ ਲੋਕਾਂ ਨੂੰ ਘੱਟ ਗੰਭੀਰ ਸੱਟਾਂ ਲੱਗੀਆਂ ਹਨ। ਉਨ੍ਹਾਂ ਦਾ ਐਮਰਜੈਂਸੀ ਵਿਭਾਗ ਵਿੱਚ ਇਲਾਜ ਕੀਤਾ ਜਾ ਰਿਹਾ ਹੈ।ਹਸਪਤਾਲ ਦੇ ਬੁਲਾਰੇ ਵੈਂਡੀ ਏ. ਮਾਰਾਨੋ ਨੇ ਕਿਹਾ ਕਿ ਚਾਰ ਹੋਰ ਮਰੀਜ਼ਾਂ ਦੀਆਂ ਸੱਟਾਂ ‘ਘੱਟ ਗੰਭੀਰ’ ਹਨ। ਦੱਸ ਦਈਏ ਡਾਕਟਰ ਸਾਰੇ ਲੋਕਾਂ ਦਾ ਮੁਲਾਂਕਣ ਕਰ ਰਹੇ ਹਨ। ਹਾਲਾਂਕਿ ਮਾਰਾਨੋ ਨੇ ਜ਼ਖਮੀਆਂ ਨੂੰ ਸੱਟਾਂ ਦੀ ਪ੍ਰਕਿਰਤੀ ਬਾਰੇ ਵਿਸਥਾਰਪੂਰਵਕ ਜਾਣਕਾਰੀ ਦੇਣ ਤੋਂ ਇਨਕਾਰ ਕਰ ਦਿੱਤਾ। ਉਨ੍ਹਾਂ ਕਿਹਾ ਕਿ ਹਸਪਤਾਲ ਦੇ ਟਰਾਮਾ ਵਿਭਾਗ ਦੇ ਡਾਕਟਰ ਹਾਦਸੇ ਤੋਂ ਪੀੜਤ ਸਾਰੇ ਲੋਕਾਂ ਦਾ ਇਲਾਜ ਕਰ ਰਹੇ ਹਨ, ਬਾਕੀ ਇਸ ਹਾਦਸੇ ਨੂੰ ਲੈ ਕੇ ਹੋਰ ਕੀ ਅਪਡੇਟ ਸਾਹਮਣੇ ਆਉਂਦੀ ਹੈ ਇਹ ਤਾਂ ਜਾਂਚ ਤੋਂ ਪਤਾ ਲੱਗੇਗਾ।